Naalgaaffiit Peqatigiit peqqinnissakkut suleqatigiiffiata WHO-p nunarsuaq tamakkerlugu decembarip aallaqqaataa, AIDS-mut ulloritittarpaa. Nunatsinni aamma ulloq malunnartinniarneqassaaq, illoqarfillu amerlanerit assigiinngitsunik sammisassaqartitsiniarput.
Aasianni Qaqortumilu aaversinissamik innuttaasut neqeroorfigineqassapput.
Qaqortumi aamma qalersaaqqanik AIDS-ip ilisarnaataanik tuniniaasoqassaaq, isertitallu tamarmik AIDS-ip aningaasaateqarfianut tunniunneqasssapput.
Sisimiuni inuusuttut tunillanneqarsimasumit unnugu oqalugiarfigineqassapput, tunillanneqarsimasorlu apeqqarissaarfigineqarsinnaalluni. Kingornatigut qititsitisoqassaaq, isernermilu akiliutinit iluanaarutit AIDS-ip aningaasaateqarfianut nakkartinneqassapput.
Nuummi ikummtilisarluni ingerlaaqatigiittoqareerpat Hans Egedep oqaluffiani nal. 17.00 qinoqatigiittoqassaaq.