Agurkit nutaarluinnaat ulluni qaninnerni mamartutugarerusukkukkit akitsorterussinermut peqataasariaqassaatit.
Agurkit nunatsinni naatitat ukiormanna inerittut siulliit Narsami Bent Olsenip naatitsivianeersut aqagu qulininngaanniit kaattaanneqalissapput.
Agurkit tunisassiaassagunik angissusissaattut EU-p piumasaani Kujataani naatitat oqaatigineqarsinnaanngilluinnarput, tassami 5 centimeteriinnaagamik.
Danmarkimi igasorsuup Claus Meyerip naatsiiat nunatsinneersut pitsaalluinnassusiat tamanut ukiarmi saqqummiuppaa, immaqa agurkit taqqavanngaanneersut tullinnguupput?