Sinersortaatit sinerissami piaarnerpaamik ingerlaaqqilertariaqartut, inatsisartut Attaveqarnermut Pilersuinermut Ineqarnermullu Ataatsimiititaliaani ilaasortaq Siumumeersoq Agnethe Davidsen isumaqarpoq.
- Innuttaasut kissaatigivaat maani nunami imaatigut angalasinnaanermut suli periarfissaqassallutik. Timersortartorpassuit nalunngilarput allaat periarfissaarutipajaarsimasut angallannerup ilusilersorsimanera eqqarsaatigalugu.
Arctic Umiaq Line-mut tunngasut Itisiliinermi, arfinermiit aallakaatinneqartussami sammineqassapput.