Aghanistanimi præsidentimut qinersineq pissusissamisut ingerlanneqarnersoq apeqquserpaat

Præsidentimut qinersinerup ingerlalluarsimanera EUmit malinnaatitaasunit ullumi nalunaruteqarpoq. Sumiiffinni arlalinni nakuusertoqartarsimavoq, qinersinerli ataatsimut isigalugu kiffaanngissuseqartumik pissusissamisoortumillu ingerlanneqarpoq, præsidentimut qinersinermi EU-mit malinnaateqartut pisortaat Philippe Morillon oqarpoq. Qinersinermi Aghanistanimiut malinnaatitaat allatut isumaqarput,.

Qinersineq pissusissamisoortumik ingerlanneqarsimanersoq nalileruminaappoq, qinersinermi malinnaatitaasut pisortaat Ahmed Nadari tusagassiortunik katersortitsinermi oqarpoq. Qinersivinni arlalinni peqquserluttoqarsimaneranik nalunaaruteqartoqarpoq.

Sumiiffinni arlalinni qinersisartut arlaleriarlutik qinersisimapput, sumiiffiillu ilaanni ukiukitsut qinersisimallutik, atuarsinnaanngitsullu peqquneqartarlutik kina qinissaneraat. Aghanistanimiut qinersinermi malinnaatitaat 7000iupput nunap immikoortuini 34-ni malinnaatinneqarlutik. EUp qinersinermi malinnaatitaat 250-iupput, taakkualu qinersiviit immikkoortuisa affaat kisiisa tikissimallugit. EUp taamatullu Aghanistanimiut qinersinermi malinnaatitaat isumaqatigiillutik nalunaarput, qinersinermi peqquserluttoqarsimanersoq sapaatip akunnerata tulliani aalajangiiffigineqarumaartoq