Aggustip qaammataani raatiuaviisit ikilissapput

Aasaanerani sulisunik amingaateqarneq pissutaaalluni, raatiuaviiseqartarneq aggustip aallaqqaataa aallaarnerfigalugu aallannguuteqassaaq.

Allannguinissaq aallaaveqarpoq tusagassiortunik sulisussanik amingaateqarneq.

Raatiuaviisip aallakaatinneqartarnerinik eqqugaanerpaassapput qallunaatut raatiuaviisit, tassani arfinngornermi sapaammilu qallunaatut raatiuaviisit aallakaatinneqartarunnaarallassammata.

Kalaallisut raatiuaviisit sapaatip akunnerata naanerani allanngorpallaassanngillat, taamaallaat ualikkut raatiuaviisi pingasunut aallakaatinneqartartoq unitsinneqarallassaaq, taamaallaallu unnukkut kalaallisuinnaq raatiuaviiseqartassalluni.

Ulluinnarni ullaakkut kalaallisut qallunaatullu raatiuaviisit naliginnaasumik pingasuusaraluartut, raatiuaviisi ataasiinnaq aallakaatineqartalissaaq. Ullup qeqqanut raatiuaviisi naliginnaasumik minutsinik qulinik sivisussuseqartartoq, qallunaatuuani minutsit tallimat missaannik sivisussuseqalissaaq.

Qallunaatut raatiuaviisi unnukkut aallakaatitassaq immiuteriigaalluni, kalaallisut raatiuaviisi toqqaannartumik arfineq marluk qeqqanut aallakaatinneqartassaaq.

Allannguinissaq pillugu KNR-ip pisortaa, Lars Lennert Sandgreen raatiuaviisimut oqaarpoq, taamatut aalajangertariaqalersimaneq allatut ajornartoq. Ilanngullugu aamma oqaatigaa, siusinnerusukkut sulisussaqarniarneq pillugu piareersartoqarsimasinnaagaluartoq. Lars Lennert Sandgreenip ilanngullugu oqaatigaa, sapaatip akunnerata naanerani pinartumik pisoqassagaluarpat, qallunaatut raatiuaviiseqarnissaa pinngitsoorani ingerlanneqarumaartoq, sulisussaaleqinerli pissutaalluni qallunaatut raatiuaviisi allatut ajornartumik aggustip qaammataani unikkallartariaqartoq.

Raatiuaviisit naliginnaasumik ingerlaqqilissapput Setembarip aallaqqaataani.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat