Agguagarsisorpassuit
Nunatsinni Brugsen-it agguagarsisitsisarnerat ullumi qulinut aallartimmat, Nuummi Brugsen-ni ulloqeqqarnerani inunnik tattoqqippoq.
Ukioq manna agguagarsissutissat katillugit 5,5 million koruuniusut Nuummi Brugsen-mi immikkoortortaqarfimmi pisortaq Niels Mathiassen oqarpoq.
Nangillunilu oqarpoq Nuummi Brugsen-mut inuit isaasut amerlangaarmata, eqqarsaatigineqalersimagaluartoq Brugsen-ip matui matugallarlugit inuit eqimattakkuutaarlugit isaatilernissaat, taamannali pisariaqarsimanngilaq.
Ukioq kingulleq agguagarsiassat 4.4 mio.kr-niusimapput, ukioq kingullermullu agguagarsiassat naleqqersuutissagaanni, ukioq manna agguagarsisitsineq 25 procentit missaannik qaffariarsimavoq.
Agguagarsisut agguaqatigiisillugu 600- 800 kr.-llu missaannik pissarsisartut Niels Mathiassen-ip oqaatigaa.
Nunatsinni Brugsen-ini ilaasortat katillugit 24.000-iupput.