Aggorsimasorpassuarnik tillinniartoqartoq

Aningaasanoortarfik tallimanngornerup ullaassaanni tilliarfigineqarpoq, tillinniat 33.000 koruunik tillillutik. Politiit niivertarfinnik attaveqarnerisigut pasineqarsinnaasunik nassaarput. Tallimanngormat angutit pingasut 19-nik 25-nik 26-inillu ukiullit politiinit tigusarineqarput. Taakkua aggorsimasunik koruuninik arlalipparsuarnik tigumiartut politiinit tigusarineqarput. Takkua ilaat aserorterisimasutut tilliniarsimasutullu pasineqarpoq, sinnerilu tillinniaqataasimasutut. Angut 30-nik ukiulik tallimanngornerup unnukkuani imertarfimmi politiinit tigusarineqarpoq aningaasanik aggorsimasunik koruuninik tusintit sinnerlugit amerlatigisunik tigumiaqartoq. Taanna tillinniarsimasutut aserorterismasullu pasineqarluni tigusarineqarpoq.

Angutit marluk tigusarineqartut politiinit qangali ilisimaneqarput.

Angut Nuummi narsarsuarmi inissiat silataanni aallaasilerluni arnamik unataasoq qunusaarisorlu arfininngornerup ullaavani politiinit tigusarineqarpoq.

Politiit arlallit aallaasilerlutik angut tigusariniarlugu ornigupput, angutillu tigusarineqarnerani paasineqarpoq, aallaat atugaa imaqanngitsoq. Arnaq nakorsiartarfimmi passunneqarpoq, angullu unuakkut iperagaavoq, unataasimasutut pasillerneqarnermi kingorna