Agathe Fontain saattuarniarneq pillugu oqallinnermut akuliuppoq
Inatsisartunut ilaasortaq Agathe Fontain saattuarniarnerup unitsinneqarneranut atatillugu oqallinnermut akuliuppoq.
Agathe Fontainip inatsisartut aalisarnermut ataatsimiititaliap siulittaasuata Ane Hansenip oqaasiinut tapersiivoq.
-Assagiarsunniarnerup eqqarsaatigilluagaanngitsumik matuneqarneratigut, aalisartut isertitassatigut ajornartoorujussuarput. Tamatuma kingunerai, akiligassanut akiliinissaminnut periarfissaarunnerat, assersuutigalugu ESU-mut atukkanik akilersuinissamut, Agathe Fontain tunngavilersuivoq.
Nangilluni oqarpoq assagiarsunniarnerup tassanngaannartumik matunerata kinguneranik bundgarnersorlutik saarullinniartariaqalersut amerlisut, tamatumalu kingunerigaa bundgarnersortut amerlavallaalernerat, kinguneranillu tunisinerit killilersorneqartariaqalernerat.
Nunatsinni aalisarnermik inuussutissarsiorneq siunissaqartinniarutsigu pilersaaarusiorluagaanerusumik aalisarnermut politikkeqartariaqarpugut, inatsisartuni ilaasortaq oqarpoq.
