Agathe Fontain: Assuarlerneq atoqinagu
Atassutip siulittaasuata Gerhardt Petersenip oqaaseqarsimanera naalakkersuisuusimasup Agathe Fontainip kamaatigisupilussuuaa. Petersenip Inatsisartuni ippassaq oqaatigisaa sakkutuumik qisuariaateqarfigaa. Petersenimi oqarsimaneragaavoq "Inuit katsorsarteriarlutik anillutillu fiistertut qatsulluinnarpakka”.
Allattoq Peter Troelsen, Simon Uldum
oktobarip 04-at 2013 03:44
Politikerip IA-meersup oqaatigaa nammineq partiimini upperineqartoq inuit atornerluisuunertik qaangerniarlugu katsorsartittartut, aammalu inoqarsimappat katsorsaqqinneqarnissamik pisariaqartitsisunik tamanna akueralugu, kingorna inuiaqatigiinnu akuleruteqqissappata.
-Inuit inuiaqatigiinnut akuleruteqqinnissaminnut ilaquttaminnit aammalu oqartussaasunit ikiorneqarnissaminnik pisariaqartitsisut pineqarput. Taakku aqatsunnerarlugit appisaluunneqassanngillat. Inuit taakku katsorsartereernerminni inuiaqatigiinnut pitsaanerpaamik akulerutseqqinniarnissaat anguniarneqartariaqapoq, kkikkummi tamaasa pisariaqartippagut, Agathe Fontain oqarpoq.
