Agathe Fontain angalalerpoq
Peqqissutsimut naalakkersuisunngorlaaq, Agathe Fontain, illoqarfinnut marlunnut paasisassarsiorluni ullumi aallassaaq, tassalu Aasiannut Qasigiannguanullu.
- Peqqissutsimut naalakkersuisoq paasissutissiiartorluni paasisassarsiorluniluunniit ukiumut marloriarluni aallartassaaq. Peqqissutsimut naalakkersuisup Inuit peqqinnissaat pillugu programmip pilersinneqarnera paasissutissiissutigiartussavaa, Peqqissutsimut Pisortaqarfimmi pisortaq Søren Rendal oqarpoq.
Agathe Fontainip angalanini iluatsillugu illoqarfinni taakkunani marlunni innuttaasunik ataatsimiisitsillunilu kommunalbestyrelsenik ataatsimeeqateqartassaaq.
Taamatuttaaq napparsimmaviit pinaveersaartitsinermi suliallit kiisalu kigutileriffiit pulaassagai oqaatigineqarpoq.
Agathe Fontain ullumimiit novembarip 24-iata tungaanut Aasiannut Qasiginnguanullu tikeraassaaq, pisortaqarfiup pisortaa Søren Rendal kiisalu Naalakkersuisut allattaat, Judithe Thulesen, Agathe Fontainip angalaqatigissavai.
