AG: Enoksen oqaatsinik ilinniarli

- Hans Enoksenip piumasaqaataa isumaqatiginngikkaanni niaqoq puumik ulillugu siutillu matullugit inuusoqarsimassaaq, AG isumaqarpoq. Kisianneqartippaalli.

- Pisortanngortussat ilinniakkatigut tunuliaqutaat ajorsimanngippata namminersornerusuni pisortanngortussanut naalakkersuisut oqaatsitigut piumasaqaataat nutaaq nuna tamakkerlusu oqaatsigitigut pikkorissarnernut sukumiisumik aningaasarpassuarnik aningaasaliinermik malitseqartinneqartariaqassaaq, AG allaaserinnippoq.

Naalakkersuisut siulittaasuat nammineerluni siiuttunngortariaqarpoq takutillugulu nunatta tamarmi iluaqutissaanik oqaatsitigut allanut piumasaqaatigisani naammassisinnaallugit.

Hans Enoksenip tuluttut qallunaatullu oqaatsit ilinniartariaqarai tassani eqqarsaatigineqarpoq.

- Piffissami nunanut allanut tunngasuni politikkikkut sunniuteqarnerulernissamik kissaateqarfiusumi, nunarsuarmioqatigiillu imminnut qanilliartuinnarfigisaanni, nunani siuttuusup naalagaaffiit siuttuinut allanut Kalaallit Nunaannut tikeraallattaaleriartortunut toqqaannartumik attaveqarsinnaanera soorunami pingaarutilerujussuuvoq. Oqalutseqarnikkut immikkuualuttut arlalissuit mininneqartarput, AG-p taama allaaserinninnerminut assersuutissaqqittutut taavaa inatsisartut siulittaasuata Jonathan Motzfeldtip allanertat oqaasiinik piginnaasaqarnermigut ullumikkut qanoq angusaqarsimanera.