Assi: Simon Uldum

AG Christiansborgimiit nutsertinneqarpoq

Tusagassiorfiit arlallit Christiansborgimiit allamut nuunnissaannik qinnuigineqarsimapput, inissakilliornerlu tunngaviunerarneqarluni. Nutseqquneqartunut ilaapput aviisi Atuagagdliutit AG.

Tamannalu aviisimi Atugagdliutini AG-mi aaqqissuisuunermut Christian Schultz-Lorentzenimut ernumatitsivoq.

- Allaffipput pingaarneq nuummiippoq,  taamaattumik tusagassiortutsinnut taakani sulisunut kinguneqassaaq, tassaammatami folketingip illorsuanni susoqarneranik alapernaattuullutillu ilisimasallit, Christian Schultz-Lorentzen, nassiuaavoq.  Taannalu nammineerluni Christiansborgimi allaffeqarsimavit AG-mi aaqqissuisuunerminut tunngatillugu.

 

Sivikitsuinnarmik piffissalerneqarput

Atuagassiaq Journalisten malillugu AG aammalu tusagassiutit arlallit, soorlu Politiken, Jylland-Posten, Altinget, Børsen aammalu savalimmiuni nutaarsiassaqartitsivimmeersut ullut pingasut qaangiutsinnagit poortuereernissaat piumasaqarfigineqarsimapput.

Nutsertitsinermut tunngavigineqarpoq, Folketingimi annertuumik allaffiit paarlaassuunneqartussanngormata, partiit katersorniarlugit aammalu ilaasortaatitaqaleqqammersut partii Alternativet inissarsitinniarlugit.

Atuagassiaq malillugu nutserneq kinguneqassaaq, tusagassiortut Christiansborgimut ungasillilaassasut, toqqaannarlu isiinnarsinnaajunnaassasut, iserniaraangamik isissutissamik kortimik pisariaqartitsilissasut.

Nutsernissarlu Atuagagdliutinut qanoq kinguneqassanersoq suli naluanarallarpoq.

- Sumut nuussanersugut apeqqutaavoq. Suli ilimanngilarput. Allaffigisarpullu uagutsinnut isumaqalerujussuuvoq, tassami Nuummiit Christiansborgimut ungaseqaaq. Taamaattumik allaffik uagutsinnut iluaqutaasimaqaaq. Piffissammi ingerlanerani politikkikkut apeqqutit annertuut saqqummertarsimapput, qanittumiinnerpullu iluaqutigisarsimaqaarput, Christian Schultz-Lorentzen oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat