Afrikkamiut aningaasarpassuarnik piumasaqarniarput

Københavnimi qaammatit aappaat avillugu qaanngiuppat nunat silap pissusaa pillugu ataatsimeersuarlerpata Afrikami nunat tamakkerlutik dollarinik milliardinik piumasaqarniarput. Afrikami silap pissusaanik aseruisumik nunat pisuut CO2-mik aniatitsinerminni mingutsitsinerannut Afrika taartisiumavoq.

Afrikami nunat kattuffiata aningaasat 327 milliarder koruunit Københavnimi silap pissusaa pillugu ataatsimeersuarnissami piumasariniarlugit aalajangerpoq. Kisitsit annertugineqarsinnaagaluarpoq, Folkekirkens nødhjælpimeersorli Christian Friis Bach malillugu tamanna naapertuuttorujussuuvoq.

Silap pissusaata allanngorneranit Afrikap annaasinnaasaanut naleqqiullugu piumasaqaat saqqumminneqartoq piviusorsiortuullunilu naleqquttuuvoq.

Nunami Malawitut ittumi innuttaasut 100-t danmarkimi inuttaasutuulli ataatsitut mingutsitigisartut tikkuarpaa. Københavnimili ataatsimeersuarnissami nunat pisuut aningaasanik milliardilikkaanik tunniussaqartinniarnissaat ajornakusuussasoq Christian Friis Bachip nassuerutigaa. Taamaaliortariaqartulli isumaqarpoq, tamanna ilaatigut nunat tamat isumaqatigiissuteqarnissaat siunertaralugulu aammali inuttut pisariaqartitat patsisigalugit.

Nammineerlunga Afrikaminiinnikuuvunga taamatullu panernersuit atuunneranni nunaatilinnik naatitsiniarlutik ilungersortunik takunikuullunga. Aporaannerit, nappaatit nutaat qarsutsisarnerillu naammattoorneqarsinnaasarput, taamaammat pissuserissaarneq immikkullu ittumik mianerinninnissaq aallaavigalugit silap pissusaa pillugu isumaqatigiissutigineqartussami tamanna ilanngutissallugu ataqqinaataassaaq.

Avatangiisinut Pinngortitamullu aamma Silap pissussaanut Attaveqarnermullu Aqutsisoqarfimmit kisitsisit kingulliit malillugit Kalaallit Nunaat 2007-imi CO2-mik 674.000 tonsinik aniatitsisimavoq. Kalaallit Nunaata CO2-mik aniatitani 2012 nallertinnagu annikillisissagai Kyotomi isumaqatigiissummit piumasarineqarpoq - Kalaallilli Nunaat CO2-mik aniatitaqarnerunissamik kissaateqarpoq, taamaammallu siunissami nunami maani CO2-mik aniatinneqarsinnaasut qanoq annertutigisinnaanerat nunatta Danmarkimut maanna isumaqatiginninniassutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat