Afrikap kippasissuani qaartoortoqarnerani inuit 15-it ajunaartut allallu 500-t aqqunartitertut
Afrikap kippasissuani Ækvatorial Guineami sakkutooqarfiit ilaanni arlaleriarluni qaartoortoqarmat inuit 15-init ikinnerunngitsut ajunaarput, allallu 500-t aqqunartiterlutik.
Ækvatorial Guineap præsidentia taama ilisimatitsivoq.
Qaartiterutit tassa dynamitsit kukkusumik passunneqarneranni qaartoortoqartoq, taanna tv-kkut oqalugiarami oqarpoq.
Nunami tassani oqartussat qaartoortoqarnera peqqarniisaarniarnertut nalilerneqanngitsoq oqaatigaat.
Sakkutooqarfiup imassaasiaviani qaartoortoqarsimanera aallaqqaammut oqaatigineqartoq, nutaarsiassaqartitsivik AFP siusinnerusukkut allappoq.
Ækvatorial Guinea, Spaniamit nunasiaataasimasoq, Camerounip Gabonillu akornanniippoq. Nunap taassuma pingaarnertut aningaasarsiorfia tassaavoq uuliasiorneq, aningaasarsiornerata 75 procentiata missaa tassanngaanneersuugami.
