Afrikap kangisissortaani nunani silarlussuaartoq
Kenyami sialussuarpoq, taamaalineranilu nuna sisoorluni qarsutsinersuaqalerlunilu.
Kenyap saniatigut Afrikap kangisissortaani nunat arlallit allat sialussuarneranit eqqorneqarput, pissutsillu kipiluttunarsisimallutik.
Sydsudanimi inuit 1 millionit missaat silapilunneranit eqqorneqarput.
Nappaalanersuaqalernissaa, kaannersuaqalernissaalu ernummatigineqarpoq.
Etiopiami Tanzaniamilu nuna aamma sisoorsimavoq.
Tanzaniami inuit ikinnerpaamik qulit ajunaarput, inuillu 10.000-ilikkaat qimaasariaqarsimallutik.
Afrikap kangisissortaani qarsutsinersuaqarnera takornartaanngilaq, Indialli imarpianeersumit pisumik silarlunnera pisarnermit sakkortunerusoq, immikkut ilisimasallit oqaatigaat, ukiummi kingulliit ingerlaneranni aatsaat taama silarlutsigaaq.
/ritzau/AFP