Afrikamiut nunasiniat umiupput

apriilip 03-at 2006 06:34

Afrikap naalagaaffeeraani Mauritaniameersut inuit 32-it, Mauretaniamit Spaniap qeqertaaraasigut Kanariatigut Europamut inatsisinik unioqqutitsillutik nunaseriaraluarlutik ipillutik ajunaarput.

Afrikamiut inatsisinik unioqqutitsillutik nunasiniat katillutik 57-iusut angallat ilaaffigisaat kinngusimavoq, taakkunanngalu ilaasut 32-it ipisimasut Spaniami nutaarsiassaqartitsiviit tusarliussipput.

Afrikamit Europamut inatsisinik unioqqutitsillutik nunasiniat qaammatini arlaqalersuni katillutik 100-it arlalissuanngortut Kanariat qeqertaat aqqutigalugit Europamut iseriartarsimasut nutaarsiassaqartitsiviit tusarliussipput.