Pitsuuneq, nappaateqarneq atuartitaasimannginnerlu.
Afrikamiorpassuit inuunerminni taama atugaqarlutik suli inuupput. Naalagaaffiit Peqatigiit 2015-p tungaanut anguniaqqusaat Saharap kujasissuani nunat arlaannaataluunniit angusinnaassagunanngilaat.
Afrikami nunanik pitsuunerpaanik nunarsuarmioqatigiit ikiuiniannginnerujussuat kanngusuutissaannginnerluni !
Naalagaaffiit Peqatigiit pissutsit piviusut aallaavigalugit taama allagaqarput.
Afrikami arnat 16-it naartugaagata erninerminni arnaq ataaseq toqusarpoq.
Nunanilu pisuuni arnat 3800-t naartugaagata erninermi arnaq ataaseq toqusarluni.
Pineqartut allat qiviaraanni Naalagaaffiit Peqatigiit 2015-mut ineriartortitsinissamut anguniarniagaanni pissutsit taartuinnartut ipput.
Ataasiakkaatigulli atugassarititaasut qaamanersaqarsin-naasut Naalagaaffit Peqatigiit killiffissiuinerminni nalunaarusiami oqaatigaat.
Nunanili arlalinni meerarpaaluit atualersinnaanerat iluatsittumik ingerlanneqarsinnaasimavoq.
Naak Afrikami kikkut tamarmik ilinniagaqarsinnaanerata anguneqarsinnaanera suli ungasikkaluartoq.
Taamatuttaaq ippoq afrikamiut 40 procentiisa 5 kr. 50 øre-mik minnerusoq ullormut inuussutigisarmassuk.
Namminneerlutik nerisassaminnik naatsitsisarnerat ilanngutereerlugu siuariartorneqalaaraluarpoq.
Siuariartornerli suli kigaappallaarujorujorujussuaqaaq.
2015-mut pitsanngorsaanissamik anguniagassat anguniarnissaannut taamaammat qularnakuluppoq..
Meeqqat anaanaasullu toqujassusiat akiorniarlugu anguniagaqarneq pineqartillugu ingerlarpianngitsutut oqaatigiinnaraanni ajunnginneruvoq, kiisalu AIDS-mik nappaatillit ikiliartoratik amerligaluttuinnarput.
Afrikami pitsuussuseq akiorniarlugu nunat pisuunerpaat qanorluunniit ilioraluarunik, pitsanngorsaataasinnaasunik tunniussaqarsinnaanngitsut, nalunaarusiami takuneqarsinnaavoq.