Afrikami tunillatsittartut ikiliartorput

Inunnguuseralugu AIDS-ertuttaaq ikileriarput, meeqqallu HIV-mik tunillatsissimasut katsorsarluarneqarlutik, angajoqqaaveruttullu isumagilluarneqarput.

Afrikami AIDSimik tunillatsisimasut ikileriarnerannut pissutaavoq akiuiniarnerup meeqqaniit aallartittumik ingerlanneqarnera.

AIDSimik akiuiniarnermi aningaasat amerlanerit nunanit suliffissuaqarfiusunit tapiissutaasaraluartut, tulluusimaarutigeqaarput nunat AIDSimik nappaalaffiusut oqartussaasui katsorsaanermi aningaasartuutit pingajorarterutaat namminneq akilersulersimammatigik.

AIDSimut akiuiniarnermi pingaartuuvoq nunat eqqorneqartut oqartussaasuisa nassuerutigissagaat ajornartorsiuteqarlutik.

Siusinnerusukkut Afrikap kujasinnerusortaani AIDS paquminartutut isigineqaraluarpoq, AIDSip siaruapallarujussuarneranik kinguneqartumik,

- Karen Aaen, Danmarkimi AIDSimut akiuiniarnermi UNICEF sinnerlugu tusagassiisartoq nassuiaavoq.

AIDS-ip ajornartorsiutaaneranik Afrikami naalagaaffiit oqartussaasuisa nassuerutiginninnerat akiuiniarnermut iluaqutaasimaqaaq.