Afrikami sakkulersuulluni ukiuni kingullerni 15-ini sakkuaattarnerit nalunaarusiarineqarput

Afrikami ukiuni kingullerni 15-ini sakkulersuullutik akersuuttarnerit pillugit nalunaarusiami nutaami atuarneqarsinnaavoq, Afrikami nunanut ukiumut 100 milliarder koruunit pallillugit akeqarsimasut, tassa piffissami tassani Afrikamut ikiuiniutitut tunniunneqarsimasut nalingisa missaat.

Piitsorpassuit, nappaatit, pinngortitallu pilersitaanik ajunaarnersuit, soorlu panernersuit qarsutsinersuillu, Afrikami ajornartorsiutaagaluaqisut, ikiuissutissatut aningaasat tunniunneqartartut amerlaqataannik sorsuunnerit aattaqaqisut akeqarput.

-Nalunngilarput sorsunnerit inuit inuunerinik aningaasanillu akeqartartut, tupaallannaqaarli aningaasatigut taama akisutigimmata, Mellemfolkeligt Samvirkemi siulittaasoq Trine Pertomak oqarpoq. Ikiuiniaqatigiit arlallit nalunaarusiaminni allappaat Afrikami sorsunnerit ukiuni kingullerni 15-ini 300 milliardi dollarsinik akeqarsimasut, tassa ukiumut 100 milliardi koruunit - aningaasat AIDS-imut, tuberkolosip malariallu akiorneqarnerannut, minguitsumik imeqarniarnermut, allanullu peqqinnissamut tunngasunut ilinniartitaanermullu atorneqarsimasinaagaluartut. Nalunaarusiami atuarneqarsinnaavoq ukiuni kingullerni 15-ini Afrikami naalagaaffiit 53-it akornanni naalagaaffiit 23-t arlaatigut sakkulersuuffiusimasut.

-Afrikami sakkulersuunnerit ukiuni kingullerni maanna ikiliartoraluartut imaassinnaavoq nunani arlalinni aaqqiagiinnginnerit sakkulersuunnernik kinguneqariaannaasut, taamaassoraaralu, Trine Pertomak oqarpoq, nangillunilu, Afrikami siuariartortoqassappat pinaveersaartitsinerit, demokratimik eqqussiniarnerit innuttallu ilinniartitaanerat aallunneqarnerusariaqarput, Mellemfolkeligt Samvirkemi siulittaasoq Trine Pertomak naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat