Afrikap kujasinnerusortaaniittut inuit 45 millionit panernersuaqarnerani qarsutsinersuaqarnerani aningaasarsiornikkullu ajornartorsiuteqarneq pissutigalugu inuussutissanik piaartumik pisariaqartitsipput

Afrikami kaannersuaqalernissaa aarleqqutigineqartoq

Nunat afrikap kujasinnerusortaaniittut oqaluttuarisaanermi aatsaat taama nerisassanik amigaateqartigipput. Naalagaaffiit Peqatigiit Inuussutissat pillugit immikkoortortaqarfia sisamanngornermi taama nalunaaruteqarpoq.

Afrikap kujasinnerusortaaniittut inuit 45 millionit panernersuaqarnerani qarsutsinersuaqarnerani aningaasarsiornikkullu ajornartorsiuteqarneq pissutigalugu inuussutissanik piaartumik pisariaqartitsipput, Naalagaaffiit Peqatigiinni immikkoortortami pisortaq oqarpoq.

- Kaannersuaqarpoq siornatigut takusimanngisatsinnik.
 Sumilu tamarmi ajorsigaluttuinnarput, Lola Castro Naalagaaffiit Peqatigiit Inuussutissat pillugit immikkoortortami pisortaq taama oqarpoq.

Naalagaaffiit Peqatigiit inuussutissat pillugit suliniaqatigiiffia 500 millionit dollarsinik qinnuteqarsimavoq, kisianni taamaallaat 200 millionit dollarsinik neriorsorneqarsimalluni.

-  Pisariaqartinneqartut pissarsiarinngikkutsigit, allatut ajornartumik ajornartorsiorluinnaqqissaartut ikinnerusut ikiortariaqassavagut, Castro sisamanngornermi taama oqarpoq.

Aningaasarsiornikkut ineriartortitsinnginneq, innuttaasut amerligaluttuinnarnerat, panernersuaqarneq, qarsutsinerillu pissutigalugit, Afrikap kujasinnerusortaanut inuussutissanik pilersuiniarnermut ajornartorsiortitsipput.  

Nunat ingammik Swaziland, Lesotho, Madagascar, Malawi, Mozambique, Namibia, Zambia aamma  Zimbabwe eqqugaanerpaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat