Afghanistanimi saassussisarnerit amerligaluttuinnaqqilerput

maajip 20-at 2007 17:08

Afghanistanimi illoqarfiit ilaanni niuernialuffiusartut ulapiffiunerpaasartut ilaanni Gardez-imi, angut imminoriaatigaluni imminut qaartimmat, ikinnerpaamik inuit 10-it toqutaapput, allallu 30-it ikiligaallutik.

Afghanistanimi ingasaassiniarlutik musliimitut uppertut, Talibanerinik taaneqartartut, qaartartumeerisarnernut kingullernut arlaqartunut akisussaasuunertik isertuunneq ajorpaat.

Taliban-it saassussigaangamik, annerusumik nunat allamiut sakkutuui Afghanistanimiullu sakkuttuui saassuttarpaat.

Ippassaq Tyskit sakkutuui pingasut Afghanistanimiittut, qaartartumeerneqarlutik toqutaapput.

Pikititsiniat Taliban-it 30-it, ullaaq manna nunat allamiut sakkutuuinit saassunneqarmata toqutaasimasut, ritzau allappoq.