Afghanistanimi qaartarumeerisoqarmat qulit toqunneqarput
Qaartartoq illoqarfiup Musa Qala-p eqqaani nuisitsivimmi ullapiffioqisumi politiit biiliisa eqqaanni qaartussanngorlugu inissinneqarsimasoq, politiit pisortaat, Assadullah Shairzad, ilisimatitsivoq. Taanna aamma oqarpoq, politiit marluk, sakkutuujunngitsullu arfineq-pingasut, toqunneqartunut ilaasut, taavalu sakkutuujunngitsut 25-it ikiligaasut.
Pikitsitsisut Musa Qalami ukiuni kingullerni arlalinni pikitsitsisaqattaarsimaqaat, sakkutuullu Talibanikkut tamaani nakkutilliisariaqartarsimapput, uffa aamma sakkutuut nunat Killiit illersuisoqarfiannit, Natomeersut Helmandimiikkaluartut.
Talibanikkut Afghanistanimi 2001-imi pissaaneerutsinneqarput, USA-mi 2001-imi septembarip ulluisa aqqarnganni saassusserujussuartoqarmalli al-Qaedakkut pisortaat Talibanikkut illersoriaraluaraluaramikkik. Nutaarsiassaqartitsivik Ritzau taama ilisimatitsivoq.
