2020-imi meeqqat ikiortariallit 2019-imi meeqqanut ikiortarialiusimasunut naleqqiullugit 1,5 millioninik amerleriarsimapput.Assi: Scanpix

Afghanistanimi meeqqat millionilikkaat ikiorasuarneqartariaqartut

Ajunaarnersuit, nakuusernerit akerleriinnerillu Afghanistanimi meeqqat ikiorneqarnissamik pisariaqartitsigaluttuinnarnerannut pissutaapput. Red Barnet taama aarlerisaarivoq.

Afghanistanimi isumannaassuseq ukiuni kingullerni marlunni ajorsiartuinnavippoq.

Pingaartumik meeqqat sivitsortumik eqqugaaqqapput.

Afghanistanimi meeqqat 5,2 millioninit amerlanerusut inuuniarnermikkut ikiorneqarnissamik pisariaqartitsisut, suliniaqatigiiffiup Red Barnetip missiliorpaa.

2020-imi meeqqat ikiortariallit 2019-imi meeqqanut ikiortarialiusimasunut naleqqiullugit 1,5 millioninik amerleriarsimapput.

AAMMA ATUARUK Ataatsimiinnissaq taamaatinneqarmat Talibanit sakkortuumik akisut

- Ajunaarnersuaqarpoq panernersuaqarlunilu, inunnik ikiuiniarnermi pisariaqartitat annerulerput. Meeqqanut ilaqutariinnullu inuuniarnermikkut ikiortarialinnut ikiuiniarneq ajornerulerpoq, Red Barnemeersoq, Kristine Mærkedahl Jensen, oqarpoq.

Afghanistanimi angajoqqaat amerlanerussuteqartut qitornaasa atuariartoraangamik qaartartumeerisoqarnissaa, aallarussisoqarnissaa saassussisoqarnissaaluunniit ernummatigisaritsik angajoqqaaminnut oqaluttuarsimasut, Red Barnetip misissuinerani erserpoq.

AAMMA ATUARUK Talibanikkut Afghanistanimi saassusserujussuartut

Meeqqat tamakkununnga ernumassuteqartarnerat maanna sivitsortumik ajornartorsiutaasoq, Red Barnet nassuiaavoq.

- Annertuumik nanertuutaavoq, niviarsiaqqat nukappiaqqallu perujaarpallaartartut amerlavallaarujussuarput.

- Niviarsiaqqat nukappiaqqallu aporaaffiusuni peroriartortarput, taakkualu toqutaarataannaanissaminnut, aqqunarsorneqarataannaanissaminnut, aallarunneqarataannaanissaminnut eqimattanullu sakkulersortunut pinngitsaalisaallutik ilanngutitinneqarataannaanissaminnut qaninnerusarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat