Nunat Killiit Illersoqatigiiffiata, NATO-p, sakkutuuisa aamma pikitsitsisut Talibanikkut Afghanistanip kujasissuani sakkuaannerat pissutigalugu, ilaqutariit 15.000-t missaanniittut allatut ajornartumik qimaasariaqartut, Naalagaaffiit Peqatigiit qimaasunut qullersaqarfiat, UNHCR, nalunaarpoq.
Qimaasut Kandaharimi, Helmandimi Uruzganimilu amerleriarujussuarnissaat UNHCR-mi Nunani Avannarlerni Baltikumimilu avammut oqaaseqartartup, Paal Aarsaetherip, ilimagaa.
- Qimaasut taakku takkuterlaat innuttaasunut artorsaatinngussaqaat, aaqqiagiinnginnerimmi panernersuaqarneralu pissutigalugu qimaasut
116.400-t tamaani innuttaasunit maannamut illusimatinneqarput, Paal Aarsaether tikkuaavoq.