Assi: Hoshang Hashimi/Ritzau Scanpix

Afghanistanimi arnat timertik tamaat asserlugu atilersortarnissaannik peqquneqarput

Talibanit Afhanistanimi pissaanermik tigusinermi kingorna peqqussutit sukannernersaat arfininngornermi atuutilersippaat.

Afghanistanimi talibanit ingasattajaartut,  siorna Afghanistanimi naalakkersuisuutitaqarneq  tigummassulli suliniutigisami sakkortunerpaat ilaat arfininngormat atuutilersippaat.

Talibanit qullersaata Afghanistanimi arnat sumiiffinni tamanit orninneqarsinnaaffiusuni timitik tamakkerlugit assersorlugit atisalersortassasut peqqusisimavoq.

Nutaarsiassaqartitsivik Reuters allapoq, Afghanistanimi arnat muslimit arnartaasa uliguaannik burkamik atuisalernissaannik kaammattorneqartut.

Musliimit arnartaasa uliguaat burka, atoraanni timeq tamaat kiinarlu asseqqasarpoq, isaasalu  nalaatigut netsikkut isigisoqarsinnaalluni.

Arnat uliguamik atuinissamik peqqussut malinngippassuk  arnat ataataat qaniginerpaasarluunnit angut Talibaninit parnaarussaasinnaaavoq pisortaniluunniit atorfeqarpat soraarsinneqarsinnaalluni.

Afghanistanimi pissaaneq Talibaninit siorna aggustip ulluisa 15-annit tiguneqarpoq.

Talibanit pissaaneq tigugamikku neriorsuipput piassaaneq 1996-mit 2001-mut tigummineranni malittarisassat sakkortuut atorneqartut atorneqarnavianngitsut.

Peqqussut arfininngornermi atuutilersinneqartup takutippaa killilersuerusunnginnermik oqariartuutaat eqquuppallaanngitsoq. 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl