Afghanistanimi 40-t toqutaapput
Afghanistanip illoqarfiisa pingaarnersaanni, Kabulimi, biili usisaat qaartartunik ulikkaavissoq atorlugu imminut toquutigaluni angut qaartartumeerimmat inuit 40-nit amerlanerit toqutaapput, biili usisaat indiamiut qullersaqarfiata isaariaani qaarpoq.
Allattoq Louise M. Kleemann
juulip 07-at 2008 07:29
Nutaarsiassaqartitsivik Ritzau naapertorlugu Afghanistanimi peqqinnissaqarfimmut ministeria taama ilisimatitsivoq.
Aqqusinermi ullaanerani angallateruttulerfimmi qaarneq pivoq, inuillu arlalissuit ikiligaasimasut ambulancinit arlalinnit ingerlanneqarput.
Inuit 100-nit amerlanerit ikiligaapput.
Afghanistanimi nakuusernerit qaammatini kingullerni arlaqaqisuni amerliartoqaat, peqqarniisertartulli Talibanikkunnut ilaasortat Kabulimi piffissami sivisuumi qaartartumeerisarsimanngikkaluarput – ullaaq manna tikillugu.
