Afganistanimi præsidentiusoq amerikkamiullu assortuussimapput
Hamid Karzai præsidentimut qinigaaqqippat, nunat taakkua marluk akornanni aaqqiaagiinngittoqalernissaanik kinguneqarsinnaasoq. Amerikamiut aallartitaata Karzai-mik ataatsimeeqateqarnerani assortuuttoqarsimaneranik nalilerneqartumi, Aghanistanimi præsidentimut qinerseqqitoqqarpat tamanna tamat oqartussaaqataanerat eqqarsaatigalugu ajunngissagaluartoq Holbrookip erseqqissarsimavaa.
Aghanistanimi præsidentimut qinersisoqarnerani Karzai unammillertigisaminit Abdullah Abdullahimit siuaqqaneruvoq, unnammilertigisaa Abdullah Abdullah oqarsimaneragaalluni, præsidentimut qinersineq naalagaaffiup aqutaanik ingerlanneqarsimasoq peqquserluttoqarsimasorlu.
Danskit nunanut allanut ministeriata Per Stig Møllerip Hamid Karzai sakkortuumik isornartorsiorlugu sapaatip akunnerata uumap ingerlanerani oqaaseqarpoq.
Præsidentimut qinersisoqarnissaa sioqqullugu Karzai Aghanistanimi sorsuttartut pisortaanik illersuisoqarsimanerarlugu Per Stig Møllerip naammagittaaliutigalugu oqaatigaa.