Inuussutissarsiutinut tunngasunik pikkorissartitsinermut aningaasaliissutaasartut AEB-nik taaneqartartut nutaamik nalilerneqartussanngorput.
AEB pillugu ataatsimiititaliamik naalakkersuisut upernaaq pilersitsipput. Ataatsimiititaliap misissussavaa aningaasat AEB-mut nakkartartut siunissami qanoq atorneqassanersut inatsillu ullumikkullu pissutsinut naleqquttuunersoq.
Ataatsimiititaliaq aallarnisaleruttorpoq, isumasioqatigiinnissarlu siulleq decembarip 13-ani Nuummi ingerlanneqassasoq Ilinniartitaanermut Pisortaqarfimmi pisortaq Lise Lennert Olsen oqarpoq .
Namminersornerullutik Oqartussat pikkorissartsitsinermik ingerlataqartartunut ukiumut 25 mio. koruunit tapiissutigisarpaat.
Ataatsimiititaliami ilaasortaapput Sulisitsisut Peqatigiiffia, Sulinermik Inuussutissarsiuteqartut Kattuffiat kiisalu Ilinniartitaanermut Pisortaqarfik kiisalu Inuussutissarsiornermut Pisortaqarfik.