ADHD-mik nappaatilik Danmarkimut nuunniarpaat
ADHD-eertoq tuluttut soraarummeerluni 13-ertoq nunatsinni periarfissaqanngilaq. Ilulissani ADHD-mik innarluutilik misiliummik tuluttut nalinginnaasumik soraarummeertunut ilaatinneqarluni 13-erpoq. Arnaata erni 13-ertoq nukaalu ordblindiusoq, tassa naqinnernik ilisarinnissinnaanngitsoq pillugit aasaru Danmarkimut nuunniartut ernermik ilinniaqqissinnaanissaat qulakkeerniarlugu.
Allattoq Mads Lynge
Nunatsinnimi ADHD-mik Autismemillu innarluutillit 20-nik ukioqaleraangamik innarluutilittut suliunnaarnersiuteqalersinneqaannartarmata.
Atuartut nalinginnaasut akornganniikkami sapivippoq, eqqissillunili immikkut atuartitaalerami atuarnerminik nuannarinnilerlunilu pikkorissivoq, arnaa Margrethe Skovbølling tulluusimaartoq oqarpoq.
Ernera Malik Olsen tuluttut 13-ertoq neriuppoq Danmarkimi qarasaasianut teknikeritut assingusumilluunniit ilinnialersinnaassalluni.