ADHD-mik autismemillu nappaatillit siunissaat pitsaaneroqquaat

Inuit aallaamanermik maluginninniarnerminnillu akornutillit, aamma ADHD-ertunik taaneqartartut, aamma inuit inoqatinut attaveqarniarnermik ajornakusoortitsisut, siunissami pitsaanerusumik sullinneqartalissapput.

Naalakkersuisut tamanna kissaatigaat, taamaattumik innarluutit pillugit ilisimasaqarfik siunnersuisarfiutigisoq, IPIS, peqatigalugu sapaatip- akunnerata tulliani ulluni sisamani taakku pillugit isumasioqatigiissitsiniarput.

Isumasioqatigiinneq pikkorissarnertalik Ilulissani Hotel Arcticimi oktobarip ulluisa aallaqqaataanni aallartissaaq, peqataassallutik meeqqanut inuusuttunut aallaamanermik maluginnninniarnermillu akornutilinnut, aamma meeqqanut inuusuttunullu inoqatinut attaveqarniarnermik ajornakusoortitsisunut, angajoqqaat, tamakkuninnga sullissisut inuillu tamakkununnga immikkut ilisimasallit.

- Aallaamanermik maluginninniarnermillu akornutillit, aamma inoqatinut attaveqarniarnermik ajornakusoortitsisut pillugit Nunatsinni siullermeertumik naapeqatigiissitsinerup siunertaasa ilagaat, pineqartut meeqqanut inuusuttunullu kingunerisartagaannik ilaqutariinnullu sunniutaannik paasisaqarnerulernissaq, Ilaqutariinnermut Naalakkersuisoqarfik allappoq.

Aallaamanermik malugineqarusunnermillu akornutillit, aamma inoqatinut attaveqarniarnermik ajornakusoortitsisut, ikiorserniarnerini sumiiffinni ataasiakkaani suleqatigiinnissap pingaarutaa aamma ersersinniarneqassaaq.

Naapeqatigiinneq naggaserlugu immikkut ilisimasallit, naalakkersuisoqarfinnilu peqataasuni suliaqartut, naapeqatigiinnermi saqqummiussukkat aallaavigalugit iliuusissanik pilersaarusiussapput.

Ilaqutariinnermut Naalakkersuisup, Mimi Karlsenip, isumasioqatigiinneq pikkorissarnertalik ataasinngorpat ammassavaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat