Adam Petersen suli ujaarineqarpoq
- Ujaasinerit nassaarnermik kinguneqanngikkaangata tunngaviusumik taamaatiinnarneqarneq ajorput, kisianni pimoorussilluta ujaasinerput ingerlatiinnarsinnaanngikkipput nassuerutigissavara, Bo Edvartsen Paamiuni politeeqarfiup pisortaa oqarpoq.
- Soorlu ullumi inuit saaffiginninnerat tunngavigalugu takuniaasitsigaluarpugut, kinguneqanngitsumilli, Bo Edvartsen oqarpoq.
Politiit ujaasinerminni ulappussimagaluaqaat. Soorlu arfininngormat illut inoqanngitsut, illuaqqat illoqarfimmilu sumiiffiit pasinarsinnaasut misissuiffigineqaraluarput.
Aamma sapaatiummat inuit arfineq marluk Paamiut qeqertaasartaani ujaasitinneqaraluarput, kinguneqanngitsumilli.
- Ataasinngormat qulimiguulimmik nalunaaquttap akunnerini pingasuni nuna annertooq ujaasiffigineqaraluartoq, Bo Edvartsenip oqaatigaa. Taassuma ilanngullugu oqaatigaa 77-inik ukiulik Adam Petersen, arfininngormalli ullukkut kingullermik takuneqartoq pillugu paasissutissiisinnaasut suli qujaruttaritik.
Paasissutissiisinnaasut Paamiuni politiinut oqarasuaammut 68 12 22-mut tassa 68 12 22-mut saaffiginneqquneqarput.
