Arctic Circle Race-ip Simiuni ullup aappassaani ingerlanneqarnera ingerlanneqaleruttorpoq.
Ullumikkut aallartut 96-sut tamangajalluinnarmik ingerlalluarsimapput, Arctic Circle Race-mili peqataasut arfinillit uniinnarniarlutik aalajangersimapput.
Sisoraaserluni arpanneq aallartimmat arnani Uiloq Slettemark siuttuusimavoq.
Angutini Svenskit marluk tassaasut Anders Södergren aamma Oskar Svärd siuttuupput. Pingajuulluni malinnaavoq Nunatsinneersoq Martin Møller.
Arctic Circle Race-p ingerlanneqarnera aqagu naammassineqassaaq, peqataasullu katillugu 160 kilomiiterit ingerlasimassavaat.