ACR: Martin aamma Niviaq siuartuupput

Sisoraatinik oqilaniulluni unammineq, nunarsuarmi sakkortunerpaat ilaattut taaneqartartoq, Arctic Circle Race, Sisimiuni ingerlanneqaleruttorpoq.
Allattoq Apollo Jeremiassen
marsip 24-at 2012 14:23

Sisoraatinik oqilaniuttartut tammaarsimaffimmi unnuineq siulleq pereersoq maanna ingerlarsuleruttorput, unammersuarnermilu siulittaasoq, Jens Klaus Lennerth, oqarpoq, suna tamarmi maannamut ajunngitsumik pisoq. Unammisulli ingerlaarfimminni ullumi ajornartorsiutissaqassagunarput.

Sisimiunimi maanna qerinnalaaginnarpoq qulisimallunilu, taamaammat løjpet qilallu ataasiusutut immata ujakkaartunut qaalluitsinarpoq.

Martin Møller ilimagineqareersutut ullormi siullermi siuttuuvoq, Frederik Petersen Frederik Lundbladilu malitsigalugit. Martin Møller  normu 2-nngortumit minutsinik 49-nik siulliulluni apuuppoq.

Arnani, siorna aamma ajugaasoq, Niviaq Chemnitz Berthelsen, tupaallannanngitsumik ullormi siullermi aamma siuttuuvoq, Schweitzimeersoq New Zealandimeersorlu malitsigalugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq