ACR-imut peqataasut ilungersorput

Nunarsuarmi sisoraatinik ujakkaarluni unamminerit ilungersunarnersaat sakkortunersaallu Arctic Circle Race ullumi aallartissaaq.

Unammineq ullaap tungaani nalunaaqutaq qulinut Sisimiuni Nalunnguarfiup Tasianit aallartitussaagaluarpoq.

Maannali issangiarmat,  Nalunnguarfiup Tasiani siku aassimavoq taamaattumik tatsip sinaatigut unammineq aallartinneqassaaq. Arctic Circle Race-mi unnamminerit 1997-imili aallartinneqarmata unammisut  Nalunnguarfiup Tasianit aallartarput.

 - Unamminerup ingerlanneqarnerani  aput sisoqqattut aqqutigisassaat ajunngilaq, Arctic Circle Race-mi siulittaasoq Jens Klaus Lennert oqarpoq.  Unammeqataasussat 173-nik amerlatigisut nunanit assigiinngitsunit 14neersuuput, taakkualu sisoraatinik ujakkaarlutik uammiffissaat 160 kilometerisut isorartutigivoq unamminerlu ulluni pingasuni ingerlanneqassaaq.

Unammeqataasuni utoqqaanersaasoq  69nik ukioqarpoq taannalu Norge-minngaaneersuulluni, nukarlersaat aqqaneq marlunnik ukioqarluni.

- Inuit avataaniit tikittut amerlapput taakkua sisoraatinik unamminissamut piareersarput.

Sisoraatinik unamminermi aqqutigineqartussami qutsernerpaaq 758 meterisut qutsitsigisumippoq, taannalu unamminerup ulluisa aappaanni aqqusaarneqartussaavoq,

Inuit 170it missaannik amerlatigisut nammineq piummassutsiminnik ikiuupput  taakkua Sisimiunit aamma nunatta sinnerani illoqarfinnit allanneersuuupput, sisoraatinik unamminermi ikiuuttussat, akissarsiaqaatiginagu Jens Klaus Lennert oqarpoq.

Silap qanoq inneranik nalunaarsuisarfiup ASIAQ naggat Gl-ip nittartagaani allassimasoq malillugu Sisiumini maannakkut 6,6-nik kiappoq ullullu ingerlanerani kiannerpaaguni 7,9nik kiatsigissalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat