ACR-imi Niviaq ajugaaqqippoq russeq angutini ajugaasoq

Nunarsuarmi ujakkaarluni sukkaniunnerit sakkortunersaat Arctic Circle Race Sisimiuni ukiut 15-issaa ingerlanneqartoq 118-inik peqataasoqarpoq. Ulluni pingasuni ingerlaareersut siulliit maanna apuussuupput.

Allattoq Najaaraq Egede

apriilip 10-at 2011 13:37

Arctic Circle Racemi siulersuisut siulittaasuat Jens Klaus Lennert ima pisunik oqaluttuarpoq:

- Unammisut ingerlaarfiat ukiut siuliinut naleqqiullugu sakkortuneruvoq, qummukajaaqarnerulluni. Silali nillilaaraluarluni seqinnerluni ingerlaarfigissimasoq, Jens Klaus Lennert KNR-imut oqaluttuarpoq

160 kilometerimut arpaqataasuni arnani uku siulliullutik apuupput:

1. Niviaq Chemnitz Berthelsen, Kalaallit Nunaat

2. Uiloq Slettemark, Kalaallit Nunaat

3. Miroslava Gores, Tjekkiet

160 kilometerimut arpaqataasuni angutini siulliullutik uku apuupput:

1. Ilya Chernousov, Rusland

2. Martin Møller, Kalaallit Nunaat

3. Reto Burgermeister, Schweiz

ACR-imi arpaqataasut kingulliit arfernup missaani apuutissangatinneqarput.

Inernerit uani takuneqarsinnaapput: www.acr.gl