Martin Møller unamminerup aappaani arfininngornermi unammisunut allanut sanilliullugu sukkaneroqaaq.
Unamminermi 58,7 kilomiiterit ingerlaarfigineqarpoq, Martin Møllerillu akunnerit sisamat minutsillu 25-t ingerlaarsimavai.
- Issippoq apeqqammisimagamilu aqqutaa ingerlaarfiginiarnarpoq, taamaattumik unammineq ullumi sakkortuvoq nillerlunilu, Martin Møller oqarpoq.
Martin Møllerilu unamminermi siullermi akunnerit pingasut minutsillu 19-it atorlugit ullormi siullermi annguteqqaarpoq.
Frederik Petersen Martin Møllerimit minutsinik 27-nik arriinnerulluni tulliulluni apuuppoq.
OL-imut peqataasartup Martin Møllerip 160 kilometerinik isorartussusilik ullut pingasut ingerlanerini unammeqataaffigisussaavaa.
OL-imut peqataaqqammersoq alla, Canadameersoq Dahria Beatty, akunnerit pingasut minutsillu 47-t atorlugit pingajuattut inissippoq.
Arctic Circle Race arfininngornermi sapaammilu nanginneqassaaq.