ACR-imi ippassaq ajugaasut ullumi aamma ajugaasuupput

Ujakkaarluni sukkaniunnersuit nunarsuarmi sakkortunersaat Arctic Circle Race, ACR, Sisimiuni ingerlanneqartartoq ullaaq qulingiluanut nanginneqarpoq.
Allattoq Najaaraq Egede
marsip 29-at 2009 13:19

ACR pisarneq malillugu ulluni pingasuni ingerlanneqartaraluaq ulluni marluinnarni ukiormanna ingerlanneqarpoq, tallimanngormat ulloq siulleq perlunnera pillugu sisoqqattoqarsinnaasimanngimmat.

Ullumi 57 kilometerimut ujakkaarnermi angutini Thomas Freimuth Tysklandimeersoq ippassaq apuuteqqaartuusoq ullumi aamma ajugaasuuvoq, ataatsip qaangiulaaraa siulliulluni apuunnermini atorsimallugit 4 timer 6 minutsit. Arnani 20-iinnarnik ukiulik Niviaq Chemnitz Berthelsen ippassaq apuuteqqaartuusoq ullumi aamma ajugaasuuvoq.

Aaqqissueqataasut oqarput sila atoruminarsimaqisoq seqinnarissorsuusorlu.

Arctic Circle Racemi peqataasut nunanit 15-ineersuupput, sukkaniunnerillu ulluisa kingullianni Sisimiormiorpassuit peqataasullu ilaqutaat sumiiffinnit tamalaaneersut tikerartut nuannersumik tikilluaqqujortorpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq