ACR-ertoqarnerani asimiittarneq Sisimiunut qaninnerusumiittoq
Arctic Circle Race tallimanngorpat ualikkut 22-issaanik aallartissaaq. Tamannali sioqqullugu atortutigut ilungersuaneqartoq, siulittaasoq Jens Klaus Lennert oqarpoq.
- Qamussuit aappaat ajoraluartumik aserorpoq, taamaammat allatkajaaq aaqqiisariaqarsimavugut. Tassalu illoqarfiup silataatungaani 3 kilometerit missaanni tiffasitsigisumi aallaarsimaaarfiliorpugut.
Aallaarsimarfissap qaninnerunerata ACR-imi aaqqissuisut namminnerlu kajumissutsiminnik sulisut lastbiilit atorlugit atortunik oqimaatsunik angallassisinnaatippai.
AAMMA ATUARUK ACR peqataasussanut 106-inut piareertoq
Aallaarsimaarfilli ukioq manna illoqarfimmut qanittumiikkaluartoq misigisassaq ukiut siuliini misigineqartartup assigissavaa.
- Assigilluinnassavaa. Atortut, avatangiisit tupit kissasserneqanngitsut.
Aallaarsimaarfiullu inissisimaffia unamminerup eqqartugaaneranut iluaqutaasinnaasumik atortutigut aamma iluaqutissartaqarpoq. Campip illoqarfimmut qaninnera pissutigalugu oqarasuaatit atorlugit avammut attaveqartoqarsinnaavoq.
- Amerlasuut facebookimut attavitsik atussavaat, taamaalillutik misigisatik, assiutitik oqaluttuassatillu siammartissallunikkit.Taamaammat attaveqarsinnaaseq iluaqutissartaqarluassaaq.