Aboriginerit taarsiifigitinnissaminnik piumasaqarniarput
Ministeriunerup pisortatigoortumik, inuiaat sinnerlugit utoqqatsernerata kingorna, Aboriginerit eqqartuussivilersuussinissaminnut piareersimapput.
Aboriginerit meerartaat titusintilikkaat ilaqutaannit peersinneqartarput, inuiaqatigiinni tulluartunngorsaanissamut politikkimik taasaminnik ingerlatsinerminnut atatillugu.
Australiami naalagaaffimmi Victoriami eqqartuussinissamut suliassat 40-t piareersarneqarput.
Aboriginerit ukioq 1910-mit 1970-ip tungaanut naalagaaffimmit eqqunngitsumik iliorfigineqarsimanerat pillugu aningaasanik taarsiiffigitinnissamik piumasaqarnerat ministeriunerup Kevin Rudd-ip itigartitsissutigaa. Inatsisilerinermik ilisimasallit oqarput, utoqqatserneq aboriginerit eqqartuussivilersuussinissamut piumasaqaataannut iluaqutaanavianngitsoq. Siornatigut eqqartuussivilersuussisarnerigaluit iluatsittarsimanngillat.