Abel Egede toquvoq
Politiinspektør Abel Egede, sivisuumik napparsimareerluni Danmarkimi ullaaq toquvoq, 60-inik ukioqarluni.
Abel Egede 19-inik ukioqarlunili politiitut sulilerpoq, nunatsinnilu politeeqarnerup ineriartortinneqarnerani sallersanut ilaalluni.
Ukiuni 38-ni nunatsinni sulinermini ukiut 21-it qullersatut atorfeqarpoq, siullermik politikommissær-itut, kingornalu politiinspektøritut.
Politiit peqatigiiffianni siulittaasuutilluni nunatsinni politiit ilinniarfeqalernissaat suleqataaffigaa, tamannalu 1973-imi piviusunngorpoq.
Abel Egede Nuup Kommunalbestyrelseani 1977-imit 1981-imut ilaasortaavoq, ukiorpassuarnilu Grønlandsbankip siulersuisuini ilaasortaalluni.
2002-mi nunatsinni suliunnaarami Rigspoliteeqarfimmi nunat avannarliit politiivisa suleqatigiinnerannik ataqatigiissaarisoqarfimmi sulilerpoq.
Abel Egede arlalinnik nersornaatisiaqarpoq. Ridder af Dannebrogip saniatigut Namminersornerullutik Oqartussat Nersornaasiuttagaat sølviusoq saqqarmioraa, politiitut aalajaalluni sulisumut nersornaat Rotaryllu nunarsuarmi suliniaqatigiiffiata saqqarmiuliuttagaa aamma pigalugit.
