Abbas aamma Olmert naapeqatigiissapput
Palæstinamiut præsidentiat Mahmoud Abbas, Israelimiullu naalakkersuisuisa siulittaasuat Ehud Olmert ullumikkut naapeqatigiittussaapput. Nalakkersuisuni siulittaasut taakku marluk naapeqatigiinnissaminni eqqartortussaavaat imminnut tatigeqatigiissinnaanerlutik, marluullutimmi tuliaqutiminnit innuttaminnillu tapersersorneqarpiannginnamik?
Danmarks Radio-meersup Kaj Selliken ulloqeqqa siuninnguagut Kangiani Qiterlermi ilanngutassiortoq, Steffen Kretz, aperaa, Israelimiut præsidentiat Olmert, palæstinamiut suniarnerai, illua´tungeriit taakku marluk akunneranni tatigeqatgiinnermik pilersitsiviusinnaasumik.
Israelimiut præsidentiata Palæstinamiut siuttuanik naapeqateqarnissaminut atatillugu poortugaarannguamik palæstinamiut puuiagassaannik nassarpoq annertugisassaanngikkaluartumik.
Siullermik Israelimiut akitsuutit akileraarutillugu palæstinamiut namminersulivinnissaanut tunngatillugu palæstinamiut sinnerlugit tigoorarsimasatik aningaasanngorlugit tunniunniarpaat. Hamasikkormiut naalakkersuisuinut aningaasat tunniunneqannginniassammata akitsuutitigut akileraarutitigullu isertitat Israelimiunit tigummiinnarneqarsimapput. Massakkullu aatsaat inuttassaannut tunniunneqalerput.
Olmertillu aamma tigusat Fatah-kkuusutt 250-it iparagaatinniarpai. Tigusat iparagaasussat ajortuliarsuaqanngillat sakkutuullu siuttuinut ilaanatik.
Iparagaasitsinerillu ajunngisaarnertut isigineqassapput Israelimiummi parnaarussiviini palæstinamiut 11.000-it sinneqartut parnaarussaaqqapput.
Olmertillu eqqartugassaasa ilagaattaaq Vestbreddenimi palæstinamiut inuuniarnerannut ajornartorsiortitseqisut sakkutuut 100-likkuutaat killeqarfinni paarsisut piiartinneqarnissaat, sulili apeqqutit tamakku qanoq angusaqarfiutigisinnaanersut nalunarallarpoq.
Danmarks Radio-mi ilanngutassiortumit apeqqutigineqarmat Abbasi arlaatigut ajunngitsuliornissaminut tunniussassaqannginnersut, Kangiani Qiterlermi ilanngutassiortoq akivoq;
Abbasip siullertut tunuarsimaartumik mianersortumillu periuseqarnini ingerlatiinnassavaa, Israelimiut siunnertaraat Abbasip siuttuunera nukittorsassallugu, Abbasip politikikkut suleriaasiata periusaatalu nunat killiit politikiat qaninneruaa illua´tungaatillugu taamatut politikeqarnermigut Hamasikkormiut assigiingitsutigut mattusimavai, Israelimiummi Abbasi oqaloqatigilluarsinnaammassuk. Israelimiummi pitsaasutut isigaat palæstiinamiut avissaartuuteqqammata, akeqammi avissaartuussimasut akeqatut nakuitsutut isigineqartarmata. Eqqisseqatigiittoqavissinnaanersorlu aperineqarami akivoq: Naamik, eqqisseqatigiittoqavissinnaanngilaq.
Kisiannili palæstinamiut eqqisseqatigiinnissamik isumaqatiginninniarnissaq ingerlakkusussimavaat, Abbasikkummi palæstinamiut affaannit taamaallaat tapersersorneqarput, Hamasikkut Gaza tigummasuk,
Tamannalu Olmertimit kissaatigineqanngilaq. Siuttulli taakku marluk tunuliaquteqarpallaanngillat taamaattumillu eqqisseqatgiittoqarnissaa ilimananngilluinnarpoq.
