Abas-ip siunnersuutigaa tigusanik paarlaanissaq
Palæstinamiut præsidentiata Abas-ip siunnersuutigaa israelimiut sakkutuuat Hamas-imit tigummineqartoq israelimiut tigusaannik paarlanneqassasoq, israelimiut tigusaat paarlaassatut piukkunneqartut tassaanerupput meeqqat arnallu ikilikkallu Stephen Kretz DR-meersoq oqarpoq. Stephen Kretz Jerusalem-imiittoq oqarpoq nangillunilu Præsidentip nukittoqutigigaa kikkulluunniit oqaloqatgisinnaagamigit taamaakkaaluartorli ajornartorsiutigisinnaagaa Palæstinamiut akornanni naalakkersuinikkut amerlanerussuteqartut Hamas-ikkut tigumminnittuummata nammineq Fahta-meerluni.
Sorsunnermi kingullermi pisut ilagaat Libanon-ip kujasissuani sakkutuujunngitsut aqqaneq marluk toqutaamma, taakkunannga arfinillit tassaallutik anaanaq meeraallu tallimat illumi saassunneqarnermi kingorna nakkaattoorneratigut ajunaartut.
