Aavarnissamut piareersarluarit

Tamatumunngalu atatillugu Sermersuumi politiit aavariat aallannginnerminni eqqaamasassaannut siunnersuutissaqarpoq.

Siullertut, aallannginnermi silamik ilimasaarut nakkutigineqassaaq, angalanerup nalaani ilimaginngisamik pisoqarnissaa pinngitsoortinniarlugu.

Aappaattullu, ikinngutit ilisarisimasallu sumut angalanissamik aammalu angalaqatigisat qassiunerinik kikkuunerinillu ilisimatinneqartassapput.

Aammattaaq angallat motoorilu qanoq ittut atussanerlugit kiisalu annanniutinik sunik nassartoqarnersoq ilisimatitsissutigineqassaaq.

Aamma qaqugukkut utissamaarnerluni oqaluttuarissallugu pingaarpoq.

AAMMA ATUARUK Tuttunniarneq aallarteqaaq

Annanniutit eqqaamallugit

Annanniutit pisariaqartut aamma nassarneqassapput, soorlu VHF radio, GPS, oqarasuaat angallattagaq, qummoroortitsissutit, qarlortaatit, qaammataasat atorlugit oqarasuaat kiisalu taqussat naammattut.

Angerlamullu apuunnermi, immaqa pisaqarluarsimalluni, ajorani tikissimaneq attaveqarfissanut erngertumik ilisimatitsissutigineqassaaq.

Semersuup politiivineersoq Mikael B. Kofoed aavariartussat eqqaamasassillugit taama allaaserisaqarpoq.

Aavarluarisi!