Aavarnerup aallartinnera akissarsisoqarneralu politiinik ulapisitsipput

Umimmanniarneq tuttuniarnerlu ammaqqammerput, politiillu aammaarlutik piniariartilluni arlaannik pilersaarutiginngisamik pisoqassappat qanoq iliortoqassanersoq oqaluttuaraat.

Politiit kaammattutigaat piniariarneq sivitsortoorutigigaanni VHF-radio imaluunniit qaammataasakkoortumik oqarasuaat angallattaq atorlugu nalunaarutigineqartassasoq. Taamaaliornikkummi pisariaqanngitsumik ujaasinerit ikilisarneqarsinnaapput, ilaqutariillu ilamik piniariarneranni isumaalunnatik. Politiit erseqqissaassutigaat oqarasuaatit angallattakkat kangerlummi atorneqarsinnaaneri killeqartupilussuusoq.

Nuummi politiit sapaatit akunnerata naanerani aamma angerlarsimaffimmi perulluliornerit, tillinniarnerit, aqqusinermi perulluliornerit, imminut toqunnissamik sioorasaarisoqarnera, aqqusinermi angallattut pillugit sulianik politiillu ileqqoreqqusaanik unioqqutitsinermik ataatsimik suliaqarsimapput.