Kalaallit Danmarkimiittut erinarsoqatigiit Aavaat, cd saqqummersitaat erinnanik juullisiutinik imaqartoq taaguuteqartorlu; ”Qaammarpoq Nuna” cd-t tunisaanerpaat tulliattut inissikkami sølvinnappoq.
Aavaakkut cd-liaat nunatsinni 3000-inngorlugu tunineqarsimavoq, taamalu tunisaqarluarneq Danmarkimi cd-t 300.000-inik tunisinermut assersuunneqarsinnaavoq.
Sølvinnannertik assut tanngassimaarutigigini Aavaat aqutsisuata Mads Lumholtip oqaatigaa.
Danmarksradiop nunatsinnut juullimi inuulluaqqussutaa Juullerujussuarmi decembarip 25-ianni KNR-TV-kkut aallakaatinneqarpat Aavaakkut ilaassapput.