Aavaat Nunat Avannarliit Siunnersuisoqatigiivisa nersornaasiinerannut peqataalersut

Kalaallit Danmarkimi erinarsoqatigiit Aavaat islandimiut, savalimmiormiut danskilku erinarsoqatigiivi peqatigalugit Nunat Avannarliit Siunnersuisoqatigiivisa atuakkiortumut nersornaasiuttagaata tunniunneqarneranut atatillugu nunat avannarliit tussiutaat unnersiutiginnissut siullerpaamik tusartissavaat.
Assi © : Aavaat
Allattoq Simon Uldum -
novembarip 01-at 2016 07:44

Erinarsoqatigiit 100-t missaannik inuttaqassapput erinarsoqatigiinnerallu ullumikkut novembarip aallaqqaataani pissaaq, erinarsoqatigiit tusagassiorfinnut nalunaaruteqarlutik taama allapput.

Erinarsoqatigiit Aavaat siulersuisuini sulittaasup tulliata Carsten Siegstadip aamma oqaatigaa Aavaat savalimmiormiut erinarsoqatigiivi Húsakórið suleqatigilluarsimagaat arlaleriarlutillu unnukkut sungiusaqatigiittarsimasut.

Aamma atuaruk Nunat Avannarliit Siunnersuisoqatigiivisa nersornaasiuttagaat ullumi agguaanneqalersut

Nunat avannarliit siunnersuisoqatigiivisa atuakkiortumut nersornaasiuttagaanut nunatsinnit innersuunneqartoq tassaavoq Sørine Steenholdt, taanna oqaluttualiaaqqanik atuakkani "Zombiet Nunaat" pillugu innersuunneqartoq.

Nunat avannarliit tussiutaat unnersiutiginnissut pillugu uani paasisaqarnerusinnaavutit.