Aattalimmik sallunaveeqqutitut tigusarinninneq qaangiuppoq
Nukariit atuagassiamut quiassuaatiginnittartumut Charlie Hebdomut saassussinermi inunnik aqqaneq marlunnik toqoraasimasutut ujarneqartut toqutaapput. Parisip avannaata kangiani Dammartin-en Goëlemi (Dammarta-ang Guelimi) nalunaaquttap akunnerini arlalinni sallunaveeqqutitut tiguagaat iperagaatinneqarpoq.
Tamanna naalakkersuisunit politiinillu tusarfiit tusagassiorfinnut arlalinnut uppernarsarpaat.
Parisip kangisissortaani juutit pisiniarfissuanni sallunaveeqqutitut tigusarinnittut politiinit saassunneqarmata, sallunaveeqqutitut tigummineqartut ikinnerpaamik sisamat toqutaasut, tamatumunnga peqatigitillugu nalunaarutigineqarpoq.
Tassanngaanniit 40 kilometerinik avannarpasinnerusumi Dammarta-ang Guelimi qatanngutigiit peqqarniisaartutut pasineqartut illorsuarmit aneriarlutik politiinut eqqaassileruttortut toqunneqartut, nutaarsiassaqartitsivimmit AFP-mit oqaatigineqarpoq.
Biilinik malersuuttoqareersorlu ullumi ullaap tungaani qatanngutigiit taakku marluk sallunaveeqqutitut tigusarinnipput.
Franskit politiivi sakkutuullu 88.000-it qatanngutigiinnik marlunnik taakkuninnga tassaasunik Cherif aamma Said Kouachi-mik malersuilluni tigusarinninniarnermi toqutaapput. Taakku atuagassiap Charlie Hebdop aaqqissuisoqarfiani pingasunngormat toqoraanermut atatillugu ujarneqarput.
Illoqarfik pineqartoq Parisip mittarfissuanit Charles de Gaulle-mit taamaallaat 5 kilometerinik ungasissusilimmiippoq.
