Aatsitsivissuarmi qaartoortoqarnerani angut toquvoq
Hvalfjordurimi Islandimiittumi savimminissamut aatsitsivissuarmi ippassaq qaartoornerup kingorna angut toquvoq.
Allattoq Apollo Jeremiassen
naqqinneqarpoq 01.07.2010 nal. 08.50
Angut uutiterujussuarnermi kingorna annaanneqarsinnaasimanngilaq. Ajutoornerup kingorna qulimiguulimmik Reykjavikkip napparsimaviliaanneqaraluarpoq, apuutereernermili kingorna toquvoq, taama allappoq Icenews.
Qaartoornerup kingorna aatsitsivik Islandip politiivinik aamma Sulinermut nakkutilliisunit matuneqarpoq, matoqqassallunilu allamik nalunaartoqarnissaata tungaanut.
Qaartoornerup kingorna tarnip pissusaanik ilisimasalik sulisunut allanut ikiuulluni aatsitsivimmiippoq.