Aatsitsivissap sumiiffissaa ualeru nalunaarutigineqassaaq
Aluminiumut aatsitsiviliortoqassappat taassuma sumi inissisimanissaa pillugu Naalakkersuisut massakkorpiaq katersuupput.
Allattoq Louise M. Kleemann
Immap nukinga atorlugu aatsitsiviliornissamik Alcoa-p pilersaarutai Inatsisartut aappaagu aatsaat tamakkiisumik akuersissutigissavaat. Aatsitsivissarli Nuummi, Maniitsumi Sisimiuniluunniit inissisimassanersoq Inatsisartut upernaaru ataatsimiilerunik oqallisigissavaat, pilersaarusiornissarmi piffissaqarfigineqarluartariaqarmat.
Aluminiumik aatsitsiviliorfissap sumiinnissaa Naalakkersuisut massakkut tassa isumaqatigiissutiginiarsaraat.
Qanoq aalajangiisoqarsimanersoq pillugu tusagassiortunik ualeru katersortitsisoqassaaq.