Aatsitsiviliornissaq pillugu tuaviuuteqqunngilaat

Peqatigiiffiulli siulittaasua, Jesper Guldager Labansen oqarpoq aluminiuliorfissap aalajangiifigineqarnissaata tuaviuunneqarpalaarnissaa annilaanngatigalugu.

Ukiuni marlussuinnarni aluminiuliorfissaq eqqartorneqarnikuuvoq, assigiingitsutigullu sunniuteqarnissai taama annertutigisut eqqarsaatigalugit maannakkut aalajangiiffigivissorneqarnissaanut suli tunngavissat ikippallaat saqqummiunneqarsimasut isumaqarpugut, Jesper Guldager Labansen oqarpoq. Nunaminertarujussuarnummi assigiinngitsunik sunniuteqartussaavoq, inuillu ulluinnarni inuunerannut qanoq suliariniagaq sunniuteqartigissanersoq nalunaarusiani manna tikillugu saqqummiunneqarsimasuni takujuminaappoq. Sunngiffitsinni pinngortitami ornittakkatsinnut qanoq sunniuteqassanersoq suli takujuminaappoq, taamaammat suli misissuinerit amerlanerit ingerlanneqarnissaat taakkualu inunnut immikkut ilisimasaqanngikkaluanut paasinartunngorlugit paasissutigineqarnissaat pisariaqarsoraarput. Kalaallit Nunaanni Pinngortitaq Avatangiisillu pillugit peqatigiifimmi, Avataq-mi siulittaasoq Jesper Guldager Labansen oqarpoq.